نشست سالانه نوروز با حضور شماری از شاعران و چهره‌های فرهنگی افغانستان، ایران و تاجیکستان در شهر دوشنبه برگزار شد.
در این نشست که روز پنج‌شنبه، ۲۸ حوت، برگزار شد، شماری از شاعران افغانستان از جمله لطیف ناظمی، تانیا عاکفی و مژگان ساغر، همراه با چهره‌های دیگر فرهنگی حضور داشتند.
همچنان، تعدادی از شاعران و فرهنگیان از ایران نیز در این برنامه اشتراک کرده‌ بودند.

این نشست با سخنرانی افتتاحیه قابل‌جان خوشوقت‌زاده، رییس آکادمی ملی علوم تاجیکستان آغاز شد.
همچنان، پروفسور مسرو عبدالله، مشاور ارشد دستیار رییس‌ جمهوری تاجیکستان و عبدالله‌زاده ابراهیم، معاون رییس جمعیت دوستی و روابط فرهنگی تاجیکستان با کشورهای خارجی، سخنرانی‌های تبریکاتی ایراد کرده‌اند.
گفتنی است که این نشست همه‌ساله برگزار می‌شود و از سال ۲۰۱۵ میلادی، پس از دستور امام‌علی رحمان، رییس‌ جمهور تاجیکستان، در زمینه پژوهش تاریخ و تمدن آریایی و ایجاد مرکز بین‌المللی نوروز، آغاز شده است.

کد (۵)